Spreadian Clinic - 半蹲影相小秘訣

#SpreadianClinic⁣⁣ [半蹲影相小秘訣📸⁣⁣]

點解大家都係踎低影相，點解人哋影得自然，自己就好似「開緊大」咁樣嘅🤦‍♀️？近年除咗企喺度同埋坐低呢兩種百搭pose之外，仲好興用「半蹲」呢個姿勢影相👍因為踎低可以減少手腳嘅僵硬，而且容易配合唔同嘅角度同動作，方便得嚟又自然！我哋搵咗幾個例子同大家分享吓點先可以踎得好睇😝⁣

1.甜美路線⁣

呢個姿勢嘅重點就係要用差唔多接近側身嘅角度影，雙手伸直向下夾住，然後頭要側側哋望向鏡頭😉感覺就好似有人叫你咁樣~做得好嘅話，呢個就係完美嘅男友視角喇😍⁣

2.型格路線⁣

單膝跪低，然後將另一隻腳伸向前，全身跟住前腳嘅腳尖斜向45度角。呢種姿勢配合低炒角度影上嚟，腳會影得比較修長，而且焦點會落喺前腳嘅鞋度，影鞋嘅產品相就最啱喇🙆‍♀️⁣

我哋之前同大家分享過三角形嘅構圖技巧喇，其實半蹲就本來就已經可以構成一個三角形！所以喺構圖上會更加好睇㗎🤭⁣

‍